Ég sleppti því að fara á þorrablót um helgina. Það var þorrablót í Þinghamri (á Varmalandi) og þrátt fyrir fjölmargar áskoranir og að fólk kæmi að máli við mig varðandi þetta málefni, varð niðurstaðan sú að bjóða mig ekki fram að þessu sinni. Því sit ég hér snemma sunnudagsmorguns og pota í lyklaborð í stað þess að veltast í fleti með hausverk og jafnvel matareitrun. Hins vegar hálf sé ég eftir hákarlinum og súrmetinu sem ég át ekki - þetta fæst reyndar allt úti í næstu búð.
Hafðu þig út í Hamarinn,
helvítis litli auminginn.
Hámaðu í þig hákarlinn
og haltu svo fast um magann þinn.
Engin ummæli:
Skrifa ummæli