Réttað var í Þverárhlíðarrétt síðastliðinn mánudag. Þarna var samankominn fjöldi fjár, enda er þetta fjárflesta rétt landsins. Þegar vel heimtist getur fjöldinn farið upp undir 20.000. Svo var að þessu sinni.Þarna var líka fjöldi fólks sem naut þess að ösla drulluna í almenningnum upp á mið læri - það rigndi vel annað slagið.
Ölvun og óspektir voru í algjöru lágmarki, en maður sá einstaka rollubrjálæðinga taka rokur. Þetta geta verið hinir mestu geðprýðismenn sem missa sig í æsing og læti þegar kindur eru annars vegar. Kindurnar voru hins vegar stilltar og prúðar - ég tala nú ekki um lömbin.
Engin ummæli:
Skrifa ummæli