Það var grannt fylgst með ferjusiglingum milli landa síðustu dægrin. Heiða var á leiðinni með Norrænu frá Danmörku - og allt hennar fylgdarlið. Mikið rýnt í veðurspákort og áhyggjur uppi um sjóveiki og aðra kvilla sem fylgt geta því að sigla í kjölfar forfeðranna. Sem betur fer hafa vélar tekið við af frumstæðum þverseglabúnaði - sem gat valdið margra vikna hrakningum og jafnvel því að ferðalangar yrðu afturreka.Allt fór þetta nú blessunarlega. Fjölskyldan stigin á feðra grund og dvelur, þegar þetta er skráð, í góðu yfirlæti hjá Sollu vinkonu á Sauðárkróki.
Um helgina stefnir svo í skírn.
Engin ummæli:
Skrifa ummæli