Andri hélt upp á afmælið sitt í dag. Hann pantaði blíðskaparveður og fékk það afgreitt með smá golu í kaupbæti. Gerðist grillmeistari og afgreiddi brenndar kjötsneiðar sem fólk virtist láta sér líka. Kartöflusalatið var líka etið. Nægar birgðir af drykkjarvörum voru á boðstólum. Þegar ég yfirgaf pleisið um átta-leytið voru menn orðnir kátir.
Día, Steinunn, Oddný, Reynir og Heiða voru þarna auk mín og Dóru og Skarphéðins- og þar að auki allmargir vinir og kunningjar Andra - flestir gamlir skólafélagar úr HÍ og Versló - held ég.
Í morgun horfði ég á upptöku af hljómleikum Bjarkar (og Bergrúnar) í Glastonbury. Myndirnar fremur daufar en hljóðupptakan fín.
Engin ummæli:
Skrifa ummæli