Í gær var dagur íslenskrar tungu. 5. bekkurinn minn tók að því tilefni þátt í ljóðasýningu 10 ára barna í fræðsluumdæminu. Sýning í Safnahúsinu í Borgarnesi. Við Dóra mættum þar ásamt tveimur nemendum. Það var bara gaman. Hittum Stínu frá Seftjörn ásamt manni og dóttur, sem einmitt er 10 ára og átti verk á sýningunni.
Ókum síðan áfram til Reykjavíkur. Dóra fór til Oddnýjar, sem er lasin og var henni innan handar - hún fór til hennar aftur núna í morgun. Ég ætla að kíkja á pabba og Hjört, sem er kominn til landsins og verður hér út næstu viku. Mamma fær að kíkja heim í dag og á morgun - og verður heima frá mánudegi til föstudags svo það hittist vel á með Hjört. Síðan koma systurnar 26. og 27.
Við töluðum áðan við Heiðu og Skarphéðin. þau voru bara hin hressustu. Skarphéðinn gerði tilraunir til að skríða til okkar gegnum tölvuna - það tókst því miður ekki. Bergrún kemur heim úr Suður-Ameríkuför sinni aðfararnótt þriðjudags og verður heima fram í næsta mánuð.
Annars er lífið bara í sínum föstu skorðum.
Engin ummæli:
Skrifa ummæli